ಮೊಸರು (curd), ಉಪಯೋಗಗಳು.

ಮೊಸರು, ನಮ್ಮ ದೈನಂದಿನ ಆಹಾರದಲ್ಲಿ, ಪ್ರಮುಖ ಸ್ಥಾನ ಹೊಂದಿರುವ ಒಂದು ಆರೋಗ್ಯಕರ ಪದಾರ್ಥವಾಗಿದೆ. ವಿಶೇಷವಾಗಿ ಕರ್ನಾಟಕದಲ್ಲಿ ಹೆಚ್ಚು ಬಳಸುವ ಆಹಾರ, ಬಹುತೇಕ ಅನ್ನದ ಜೊತೆಗೆ ತಿನ್ನುವುದು ಸಾಮಾನ್ಯ. ಇದು ರುಚಿಗೆ ಮಾತ್ರವಲ್ಲ ಆರೋಗ್ಯಕ್ಕೆ ಉಪಯುಕ್ತವಾಗಿದೆ.

ಮೊಸರು ಎಂದರೆ ಏನು?

ಮೊಸರು ಹಾಲಿನಿಂದ ತಯಾರಾಗುವ ಪ್ರಾಕೃತಿಕ ಆಹಾರವಾಗಿದೆ. ಹಾಲಿಗೆ ಒಳ್ಳೆಯ ಬ್ಯಾಕ್ಟೀರಿಯಾ ಸೇರಿಸಿದಾಗ ಅದು ಫರ್ಮೆಂಟೇಶನ್ ಮೂಲಕ ಮೊಸರಾಗಿ ರೂಪಾಂತರಗೊಳ್ಳುತ್ತದೆ. ಇದರಲ್ಲಿ ಪ್ರೊಬಯೋಟಿಕ್ಸ್ ಇರುತ್ತವೆ, ಇದು ಹೊಟ್ಟೆಯ ಆರೋಗ್ಯಕ್ಕೆ ಸಹಕಾರಿ.

ಮೊಸರಿನಲ್ಲಿರುವ ಪೋಷಕಾಂಶಗಳು.

• ಕ್ಯಾಲ್ಸಿಯಂ

• ಪ್ರೋಟೀನ್

• ಪೊಟಾಸಿಯಂ

• ವಿಟಮಿನ್ B12

• ಪ್ರೊಬಯೋಟೆಕ್ಸ್.(ಒಳ್ಳೆಯ ಬ್ಯಾಕ್ಟೀರಿಯಾ)

ಮೊಸರು ತಿನ್ನುವುದರಿಂದಾಗುವ ಪ್ರಯೋಜನಗಳು.

1.🔆ದೇಹಕ್ಕೆ ತಂಪು ನೀಡುತ್ತದೆ.

ಬೆಚ್ಚಗಿನ ಹವಾಮಾನದಲ್ಲಿ ಮೊಸರು ದೇಹಕ್ಕೆ ತಂಪು ನೀಡುತ್ತದೆ.

2.ಜೀರ್ಣಕ್ರಿಯೆ ಸುಧಾರಣೆ.

ಮೊಸರು ಹೊಟ್ಟೆಯಲ್ಲಿರುವ ಒಳ್ಳೆಯ ಬ್ಯಾಕ್ಟೀರಿಯಾಗಳನ್ನು ಹೆಚ್ಚಿಸಿ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ.

3. ತೂಕ ಇಳಿಕೆಗೆ ಸಹಕಾರಿ.

ಮೊಸರು ತಿನ್ನುವುದರಿಂದ ಹೊಟ್ಟೆ ತುಂಬಿದ ಭಾವನೆ ಬರುತ್ತದೆ, ಇದರಿಂದ ತೂಕ ನಿಯಂತ್ರಣಕ್ಕೆ ಸಹಾಯವಾಗುತ್ತದೆ.

4. ಚರ್ಮದ ಆರೈಕೆ ಮಾಡುತ್ತದೆ.

ಮೊಸರು ಫೇಸ್ ಪ್ಯಾಕ್ ಆಗಿ ಬಳಸಿದರೆ ಚರ್ಮ ಮೃದುವಾಗುತ್ತದೆ ಮತ್ತು ಹೊಳಪು ಹೆಚ್ಚುತ್ತದೆ.

5. ಎಲುಬುಗಳ ಬಲವರ್ಧನೆ.

ಕ್ಯಾಲ್ಸಿಯಂ ಇರುವುದರಿಂದ ಎಲುಬುಗಳು ಮತ್ತು ಹಲ್ಲುಗಳು ಬಲವಾಗುತ್ತವೆ.

🏠ಮನೆಯಲ್ಲಿ ಮೊಸರು ತಯಾರಿಸುವ ವಿಧಾನ.

ಅಗತ್ಯಪದಾರ್ಥಗಳು.

• ಹಾಲು

• ಮೊಸರು (starter)–1ಚಮಚ

ವಿಧಾನ.

• ಹಾಲನ್ನು ಚೆನ್ನಾಗಿ ಕುದಿಸಿ ತಂಪಾಗಿಸಿ.

• ಸ್ವಲ್ಪ ಬಿಸಿಯಾದಾಗ( starter) ಮೊಸರು ಅಥವಾ ಮಜ್ಜಿಗೆ ಒಂದು ಚಮಚ ಸೇರಿಸಿ

• ತದನಂತರ ಮುಚ್ಚಿ 6–8 ಗಂಟೆಗಳ ಕಾಲ ಹಾಗೆ ಬಿಡಿ.

• ಹೀಗೆ ಸಿದ್ಧವಾದ ಮೊಸರು ಬಳಸಬಹುದು.

⚠️ಎಚ್ಚರಿಕೆ

• ಹೆಚ್ಚು ಹಳೆಯ ಮೊಸರನ್ನು ತಿನ್ನಬೇಡಿ

• ಶೀತ/ಜ್ವರ ಇದ್ದರೆ ಕಡಿಮೆ ಪ್ರಮಾಣದಲ್ಲಿ ಸೇವಿಸಿ.

• ಯಾವಾಗಲೂ ತಾಜಾ ಮೊಸರನ್ನು ಸೇವಿಸಿ.

ಮೊಸರು ಒಂದು ಆರೋಗ್ಯಕರ ಮತ್ತು ಸರಳ ಆಹಾರವಾಗಿದೆ. ಇದನ್ನು ದಿನನಿತ್ಯದ ಆಹಾರದಲ್ಲಿ ಸೇರಿಸಿಕೊಂಡರೆ ದೇಹದ ಆರೋಗ್ಯ ಉತ್ತಮವಾಗಿರುತ್ತದೆ.

ಇದೆ ತರಹದ ಆರೋಗ್ಯಕರ ಆಹಾರಗಳನ್ನು ತಿಳಿಯಲು ನಮ್ಮhttps://Foodforhealth.blog ನಲ್ಲಿ ಮಾಹಿತಿ ಪಡೆಯಿರಿ 🙏